2. Forsíða
  3. Um KÍ
  4. Fréttir

Fréttir

Opið málþing að Hallveigarstöðum í samvinnu Kvenfélagasambands Íslands og nema í meistaranámi í verkefnastjórnun (MPM) við Háskólann í Reykjavík 21. mars n.k.

Á að hækka kosningaaldurinn upp í 25 ár? 
 
Þessari spurningu verður kastað fram laugardaginn 21. mars á málþingi um kosningaþátttöku ungs fólks en þar verður umræðuefnið hvort hækka eigi kosningaaldur sökum áhugaleysis. Samkvæmt könnunum LÆF (Landssamband æskulýðsfélaga) hefur kjörsókn ungs fólks minnkað um 20% milli kosninga og því á spurningin fullan rétt á sér. 
Fundarfyrirkomulagi verður þannig háttað að fyrst verða tvær framsögur, með og á móti tillögunni og tvö andsvör í framhaldinu. Að því loknu verða pallborðsumræður þar sem gestum úr sal gefst kostur á að leggja fram spurningar til þátttakenda. Málþingið fer fram í sal Kvenfélagasambands Íslands að Hallveigarstöðum klukkan 14:00. Veitingar verða í boði að lokinni dagskrá.

 

undirritunÁ myndinni eru frá vinstri: Hildur Helga Gísladóttir framkvæmdastjóri Kvenfélagasambands Íslands, Þorsteinn Hallgrímsson, Ingunn Jónsdóttir, Ágústa Kristín Grétarsdóttir öll úr verkefnahópnum, Una María Óskarsdóttir forseti Kvenfélagasambands Íslands, Guðrún Þórðardóttir varaforseti Kvenfélagasambands Íslands, Sif Sturludóttir og Rögnvaldur Andri Halldórsson bæði úr verkefnahópnum.Kvenfélagasamband Íslands og verkefnahópur í meistaranámi í verkefnastjórnun (MPM), við Háskólann í Reykjavík undirrituðu í gær verksamning sem þau hafa gert með sér um opið málþing, 21. mars nk. á Hallveigarstöðum.

Yfirskrift málþingsins er “Hækkum kosningaaldur í 25 ár” og er málþingið haldið til að minnast 100 ára kosningaréttarafmælis kvenna sem minnst er í ár.

Kvenfélagasamband Íslands telur það hlutverk Samkeppniseftirlitsins að vinna gegn matarsóun!
Stjórnarfundur Kvenfélagasambands Íslands, haldinn 25. febrúar 2015 á Hallveigarstöðum hvetur framleiðendur, birgja og verslanir til að bregðast við mikilli matarsóun sem á sér stað þegar vörum sem komnar eru á síðasta söludag er fargað, í stað þess að þær séu t.d. seldar á niðursettu verði eða viðskiptaháttum sé breytt þannig að matvæli verði nýtt.
Kvenfélagasamband Íslands hvetur framleiðendur, birgja og verslanir til þess að sameinast og sækja um undanþágu til Samkeppniseftirlitsins á grundvelli undanþáguheimildar 15. greinar samkeppnislaga um verðsamráð.
Með vísan í 1. gr. samkeppnislaga, er segir að vinna beri að hagkvæmri nýtingu framleiðsluþátta telur Kvenfélagasamband Íslands það hlutverk Samkeppniseftirlitsins að vinna gegn þeirri misnotkun sem matarsóun er.
 

Þann 1. febrúar nk. verða 85 ár liðn frá stofnun Kvenfélagasambands Íslands og verður tímamótanna minnst í afælishófi í samkomusalnum í Kvennaheimilinu Hallveigarstöðum kl. 15 - 17 sunnudaginn 1. febrúar nk. 
Kvenfélagskonur, velunnarar og aðrir áhugasamir eru boðnir velkomnir.

 

Formannafundur Kvenfélagasambands Íslands, KÍ, var haldinn að Hallveigarstöðum laugardaginn 22. nóvember sl.

Formannaráð fer með æðsta vald um málefni KÍ milli landsþinga KÍ sem haldin eru á þriggja ára fresti. Á fundinn mættu formenn héraðssambanda KÍ, stjórn og starfsfólk KÍ

Yfirskrift fundarins var: Konur - 100 ára kosningaréttarafmæli – Spítalinn okkar.

Meðal þess sem var á dagskrá fundarins var:

  • Starfssemi KÍ, héraðssambandanna og kvenfélaganna
  • Landsþing KÍ á Selfossi 2015
  • Fjárhagsstaða KÍ
  • 100 ára kosningaafmæli kosningaréttar kvenna
  • Bygging nýs Landspítala

Eftirfarandi ályktanir voru samþykktar á fundinum:

Kvenfélagasamband Íslands

Hallveigarstöðum  - Túngötu 14  - 101 Reykjavík
552 7430 
kvenfelag@kvenfelag.is

© 2017 - 2024 Kvenfélagasamband Íslands