Ályktanir frá sumarþingi Norrænna kvenfélaga (NKF) sem haldið var í Sandefjord, Noregi, dagana 16.-18. júní 2017 þar sem þemað var „Matarlyst“

 Meðvitaðir neytendur geta dregið úr matarsóun

Sumarþing Norrænna kvenfélaga (NKF) haldið í Sandefjord, Noregi, dagana 16.-18.6.2017 krefst þess að yfirvöld í norrænu löndunum sjái til þess að máltíðir sem framreiddar eru af opinberum aðilum séu öruggar til neyslu og uppfylli siðferðilegar og vistfræðilegar kröfur. Neytendur eiga að hafa aðgang að hreinu hráefni, maturinn á að vera öruggur til neyslu og án aukaefna. Umbúðir matvæla eiga að hafa læsilegar upplýsingar um innihaldsefni matarins og það á að vera auðvelt að skipuleggja matseðil sem er góður fyrir bæði umhverfi og heilsu fólks.

Á heimsvísu séð er framleiddur nægilegur matur fyrir alla, yfir 5000 kkal á mann á dag. Sú framleiðsla hefur áhrif bæði á umhverfi og efnahagslíf heimsins. Dreifing matarins er hins vegar vandamál. Vegna sóunar í framleiðslu og dreifingu fer helmingur framleiðslunnar til spillis á leið til neytenda. 

Read More

Jafnréttisráð óskar eftir tilnefningum til jafnréttisviðurkenningar Jafnréttisráðs fyrir árið 2017. Viðurkenningu geta hlotið einstaklingar, fyrirtæki, stofnanir, sveitarfélög, hópar eða félagasamtök, sem á einn eða annan hátt hafa skarað fram úr eða markað spor á sviði jafnréttismála.

Rökstuðningur vegna tilnefningar skal fylgja með. Einstaklingar, fyrirtæki, stofnanir, sveitarfélög, hópar eða félagasamtök geta hvort heldur tilnefnt sig sjálf eða verið tilnefnd af öðrum. Til að koma til álita við veitingu Jafnréttisviðurkenningarinnar þarf viðkomandi aðili að vera tilbúinn að taka á móti fulltrúum Jafnréttisráðs og svara spurningum þess.

Tilnefningum skal skila rafrænt eigi síðar en 18.september 2017 til Jafnréttisráðs á netfangið jafnretti[at]jafnretti.is

Sjá auglýsingu Jafnréttisráðs

Það var fjölmenni á 50 ára afmælishátíð Hallveigarstaða sem fór fram í gær þann 19. júní. Boðið var upp á söng, stutt ávörp og kampavín ásamt góðum veitingum. Mikil gleði var meðal allra gesta og greinilegt að Hallveigarstaðir hafa snert við fjöldann allan af konum á þessum 50 árum.  Fríða Rós Valdimarsdóttir formaður húsnefndar Hallveigarstaða ávarpaði gesti og Guðni Th. Jóhannesson flutti kveðju til hússins, sem sjá má hér.  Hússtjórn Hallveigarstaða afhenti gjöf til Veraldar - húss Vigdísar Finnbogadóttur.  Ragnheiður Gröndal söng fyrir gesti.   Sjá fleiri myndir á facebook síðu Kvenfélagasambands Íslands.

Á meðfylgjandi mynd er Guðrún Þórðardóttir forseti Kvenfélagasambands Ísland og formaður NKF ásamt Vigdísi Finnbogadóttur fyrrverandi forseta Íslands, Forseta Íslands Guðna Th. Jóhannessyni og konu hans Elizu Reid.

Kvennaheimilið Hallveigarstaðir fagnar 50 ára afmæli sínu!

Velkomin á afmælishátíð Hallveigarstaða þann 19. júní 2017, kl. 16:00

• Fríða Rós Valdimarsdóttir formaður húsnefndar Hallveigarstaða ávarpar fundinn
• Guðni Th. Jóhannesson forseti Íslands flytur kveðju
• Hallveigarstaðir afhenda gjöf til Veraldar - húss Vigdísar Finnbogadóttur
• Ragnheiður Gröndal syngur

Kaffi, veitingar og kampavín í boði hússins!

Sjá viðburðinn á facebook hér:  

Vorblað Húsfreyjunnar tímarit Kvenfélagasambands Íslands er komið út.

Aðalviðtal Húsfreyjunnar að þessu sinni er við Elsu Haralds hárgreiðslumeistara og formann Iðnaðarmannafélags Reykjavíkur. Elsa er afar farsæll og sigursæll hárgreiðslumeistari og fyrsta konan sem gegnir formennsku hjá Iðnaðarmannafélaginu.

Í blaðinu er fræðsla um vegan matargerð og uppskriftir af vegan túnfiski, vegan majónesi og vegan hunangsköku. Kristín Aðalsteinsdóttir fjallar um ræktun og notkun á steinselju og fjallað er um kaffi fyrr og nú. Í matarþættinum eru spennandi uppskriftir meðal annars af spínatböku með sætkartöflubotni og tortillu smáréttum á marga vegu.

Fjallað er um mikilvægi áhugamála, prjónahátíð og fallega hluti fyrir heimilið auk þess sem fluttar eru fréttir af starfsemi Kvenfélagasambands Íslands.

Í Húsfreyjunni er glæsilegur handavinnuþáttur unnin af Ásdísi Sigurgestsdóttur þar sem meðal annars er hnýtt blómahengi, stelpuskokkur og falleg prjónuð kvenpeysa.

Read More