Húsfreyjan tímarit Kvenfélagasambands Íslands er komin út. Þetta er fyrsta tölublað ársins 2017 og 68. árgangur tímaritsins. Tölublaðið er helgað kvenfélagskonum enda er 1. febrúar ár hvert dagur kvenfélagskonunnar. Kvenfélagskonur hafa því valið febrúar sem sinn mánuð og þemað er gyllt.

Í blaðinu er sagt frá starfsemi kvenfélaga og svæðasambanda víða um land og einnig er fjallað um málefni Kvenfélagasambands Íslands, venju samkvæmt. Guðrún Þórðardóttir forseti KÍ ávarpar lesendur, hvetur þá til að gylla tilveruna og bendir á að góð kvenfélagskona er gulli betri.

Read More

Dagur kvenfélagskonunnar er í dag.   

1. febrúar er Dagur kvenfélagskonunnar. Dagurinn, sem er stofndagur Kvenfélagasambands Íslands, (1930) var formlega gerður að degi kvenfélagskonunnar árið 2010 til að vekja athygli á miklu og óeigingjörnu starfi kvenfélagskvenna í 140 ár.  Það var enda löngu tímabært að kvenfélagskonur fengju sinn eigin dag á dagatalinu.

Dagurinn hefur fest sig í sessi undanfarin ár og er hans nú getið á fjölmörgum dagatölum og í dagbókum. Kvenfélagasamband Íslands í samstarfi við RÚV og sveitarfélögin í landinu minnir á og vekur athygli á deginum í fjölmiðlum.

Read More

Aðventu og jólablað Húsfreyjunnar er komið út, glæsilegt að vanda.

Blaðið er til sölu í öllum helstu bókabúðum landsins. Í blaðinu er áhugavert viðtal við Önnu Katarzynu Wozniczku formann Félags kvenna af erlendum uppruna og kvenfélagskonu í Kvenfélagi Grímsneshrepps.  Ásta Price sem ólst upp í Suður-Afríku en býr í Mývatnssveit segir sögu sín og Dagný Finnbjörnsdóttir kvenfélagskona í Hnífsdal og nýr formaður Sambands vestfirskra kvenna segir lesendum frá sínu líf en hún rekur tískverslun og er í háskólanámi. 

Í Húsfreyjunni er glæsilegur matarþáttur með uppskriftum Helenu Gunnarsdóttur og vandaður handavinnuþáttur unnin af Ásdísi Sigurgestsdóttur þar sem englar, sjöl, vetlingar og ljósaseríur eru í aðalhlutverki.

Read More

Formannaráðsfundur Kvenfélagasambands Íslands, haldinn 19. nóvember 2016 í Kvennaheimilinu Hallveigarstöðum í Reykjavík skorar á væntanlegan heilbrigðisráðherra, ríkisstjórnina sem tekur brátt við völdum og nýkjörna alþingismenn að gera átak í og leysa það ófremdarástand sem skapast hefur þegar allt að þriggja ára bið er eft­ir að konur kom­ist í grind­ar­botns­ aðgerðir.  Bíða nú um 300 kon­ur eftir að komast í aðgerðir á Kvenna­deild Land­spít­al­ans. Geta þær átt von á að biðin taki allt að þrjú ár. Aðgerðirnar sem um ræðir eru einkum vegna blöðrusigs, ristilsigs, legsigs og þvagleka.

Read More

Jólafundur Kvenfélagasambands Íslands verður haldinn í samkomusal Hallveigarstaða kl. 17 föstudaginn 18 nóvember nk. 

Heiðursfélagar KÍ, núverandi og fyrrverandi stjórnar- starfs- og nefndarkonur sambandsins, formenn héraðssambanda KÍ og kvenfélagskonur, eftir því sem húsrúm leyfir, eru boðnar velkomnar. Boðið verður uppá kaffiveitingar og hefðbundna jólafundardagskrá.
Munið jólahappdrættið.

Vinsamlegast tilkynnið þátttöku eigi síðar en fimmtudaginn 17. nóvember n.k. í síma 552 7430 eða á tölvupóstfangið: This email address is being protected from spambots. You need JavaScript enabled to view it.

Með tilkomu nýrrar stólalyftu er aðgengi er fyrir alla niður í salinn!