Hekluð dúkkuvagga úr Húsfreyjunni

heklud vagga

Heklugarn DMC nr. 8, heklunál: 1.00-10 JMRA
Litir: Hvítt og reyrt blátt / bleikt garn
Litlar brúður sem fást í föndurbúðum

Uppskriftin á prentvænu formi

Draglykkja = Garnið dregið í gegnum fastalykkju frá fyrri umferð og beint í gegnum lykkjuna sem er fyrir á nálinni.

Fastalykkja = Farið með heklunálina í gegnum lykkju frá fyrri umferð og dregin upp lykkja. Tvær lykkjur á nálinni. Þá er dregið í gegnum báða lykkjurnar.

Einbrugðinn stuðull = Garninu brugðið um nálina og farið niður í gegnum lykkju frá fyrri umferð og garnið dregið í gegn. Þá eru þrjár lykkjur á nálinni. Garnið er fyrst dregið í gegnum tvær, garninu brugðið um nálina og dregið í gegnum næstu tvær.

Hálfstuðull = Garninu brugðið um nálina og farið í gegnum lykkju frá fyrri umferð og garnið dregið í gegn. Þá eru þrjár lykkjur á nálinni. Garnið er nú dregið í gegnum allar þrjár lykkjurnar í einu.

Botn

Heklið 16 loftlykkjur (ekki mynda hring).

1. umferð: Tvær fastalykkjur í aðra fastalykkju frá nál. Hekla 14 fastalykkjur, tvær fastalykkjur í næstu fastalykkju. Nú erum við komin út á enda og er þá heklað til baka en frá gagnstæðri hlið. Tvær fastalykkjur í næstu lykkju og síðan 14 fastalykkjur og tvær fastalykkjur í næstu. Þannig fjölgar um 4 fastalykkjur í hverri umferð. Athugið, bilið milli útaukninganna eykst til endanna en helst eins á langhliðunum. Stykkið verður sporöskjulagað.

Heklaðar eru 8 umferðir á þennan hátt og þá eiga fastalykkjurnar að vera alls 64.

Innri hlið

Næsta umferð: Heklað er í aftari boga á fastalykkjunum frá fyrri umferð. Við það myndast brot. Næstu 11 umferðir eru heklaðar fastalykkja í hverja fastalykkju og í báða bogana frá fyrri umferð.

Ytri hlið

Nú er hekluð ytri hliðin sem er brotin yfir innri hliðina. Stykkinu er því snúið við þannig að rangan á innri hliðinni snýr að okkur.

1.- 4. umferð: 4 loftlykkjur og einbrugðinn stuðull í næstu fastalykkju.* einbrugðinn stuðull í næstu fastalykkju* (64 stuðlar). Fest með draglykkju í fjórðu loftlykkju á fyrsta stuðli.

Umferð nr. 1 er hekluð með grunnlit, umferð nr. 2 blá / bleik og umferð nr. 3-4 með grunnlit.

Blúnda neðan á vögguna

Næsta umferð (grunnlitur): 4 loftlykkjur, einbrugðinn stuðull í næstu fastalykkju. * Fjórar loftlykkjur, hlaupið yfir tvær fastalykkjur og einbrugðinn stuðull í næstu tvær fastalykkjur* Tengt með draglykkju í fjórðu loftlykkju á fyrsta stuðli.

Næsta umferð (bláan / bleikan lit): Fastalykkja milli stuðlanna frá fyrri umferð. * Hálfstuðull í loftlykkjubogann frá fyrri umferð og síðan 5 einbrugðnir stuðlar í sama loftlykkjuboga og endað á einum hálfstuðli í sama boga, fastalykkja milli einbrugðnu stuðlanna frá fyrri umferð*

Skermur á vögguna ( grunnlitur)

Skerminn mynda 28 fastalykkjur. Til að finna miðjuna á vöggunni er best að brjóta hana saman langsum og telja 14 fastalykkjur til baka

Næsta umferð: 4 draglykkjur, 3 fastalykkjur, 3 hálfstuðlar, 8 einbrugðnir stuðlar, 3 hálfstuðlar, 3 fastalykkjur og 4 draglykkjur, snúa við með einni loftlykkju.

Næsta umferð: Hoppa yfir eina draglykkju, 3 draglykkjur, 3 fastalykkjur, 3 hálfstuðlar, 8 einbrugðnir stuðlar, 3 hálfstuðlar, 3 fastalykkjur og 3 draglykkjur, snúa við með einni loftlykkju

Næsta umferð: Hoppa yfir eina draglykkju, 2 draglykkjur, 3 fastalykkjur, 3 hálfstuðlar, 8 einbrugðnir stuðlar, 3 hálfstuðlar, 3 fastalykkjur og tvær draglykkjur, snúa við með einni loftlykkju.

Næsta umferð: Hoppa yfir eina draglykkju, 3 fastalykkjur, 3 hálfstuðlar, 8 einbrugðnir stuðlar, 3 hálfstuðlar, 3 fastalykkjur og draga garnið í gegnum fyrstu draglykkju frá fyrri umferð og slíta garnið frá.

Blúnda á skerminn (bláan / bleikan lit).

Byrja í fyrstu draglykkju í fyrstu umferð skermsins. *Heklið 3 loftlykkjur og gerið einn hálfstuðull. Hlaupið yfir eina lykkju frá fyrri umferð og fastalykkja í næstu lykkju.* Blúndan endar á síðustu draglykkju frá fyrstu umferð skermsins.

Sængin

Sængin er röndótt, tvær umferðir grunnlit og tvær umferðir blátt / bleikt

Heklið 18 loftlykkjur.

Fyrsta umferð: Fastalykkja í aðra fastalykkjur frá nál og síðan fastalykkja í hverja lykkju. Snúið við með einni loftlykkju.

Önnur umferð: Fastalykkja í aðra fastalykkju frá nál, *fastalykkja í uppfitjunina, fastalykkja í næstu fastalykkju.* Snúið við með einni loftlykkju.

*Næsta umferð: Fastalykkja í aðra fastalykkju frá nál og síðan fastalykkja í hverja lykkju. Snúið við með einni loftlykkju

Næsta umferð: Fastalykkja í aðra fastalykkju frá nál, *fastalykkja, ekki í síðustu umferð heldur umferðina þar á undan, fastalykkja í næstu lykkju og nú frá síðustu umferð*. Við þetta myndast einfalt munstur.*

Alls eru heklaðar 24 umferðir og síðan er hekluð blúnda eins og á hettunni.

Koddinn

Aðferð eins og við sængina.

Byrjið með 12 loftlykkjum og heklið 20 umferðir. Efnið brotið saman til helminga og fest saman með því að hekla blúnduna umhverfis. Ágætt að setja smá fyllingu í koddann.

Gangið frá endum og þvoið stykkin. Stykkin má stífa með sykurstífelsi en einnig er fáanlegt tilbúið stífelsi í föndurbúðum. Best er að forma stykkin blaut með höndunum og setja dúkkurnar strax í vögguna og láta þorna vel.

Uppskriftin á prentvænu formi