Hringskonur vekja athygli á jólabasarnum sem haldinn verður á Grand Hóteli sunnudaginn 9. nóv. kl. 13 - 17. Allur ágóði fer til að sjálfsögðu í Barnaspítalasjóðinn en Hringurinn er einn aðalstyrktaraðili Barnaspítalans.
Á basarnum eru ótrúlega fallegir og eigulegir munir, allir handunnir og sannkölluð listaverk. Einnig eru alls konar kökur og tertur sem tilvalið er að setja t.d. í frysti til að eiga eða bjóða bara fólki í kaffi á sunnudag!
Það væri gaman ef þið sæjuð ykkur fært að líta við á sunnudag og styrkja Barnaspítalann. Betra málefni er vart hægt að hugsa sér.
Fréttir
Ungmennafélag Íslands í samvinnu við Bændasamtök Íslands og Kvenfélagasamband Íslands standa fyrir félagsmálafræðslu um land allt í vetur undir yfirskriftinni ,,Sýndu hvað í þér býr.“ Þessir aðilar skrifuðu í dag undir samstarfssamning þar að lútandi í höfuðstöðvum UMFÍ við Laugaveg 170 í Reykjavík.Hlutverk námskeiðsins er sjá félagsmönnum fyrir fræðslu í ræðumennsku og fundarsköpum. Þátttakendur fá æfingu í framkomu, framsögn og þjálfun í fundarsköpum.
Forseta og varaforseta KÍ ásamt formanni BKR og fleiri gestum var boðið í veglegan afmælisfagnað á 15 ára afmæli Leshrings KRFÍ sem haldinn var á Hallveigarstöðum 22. október sl. Björg Einarsdóttir stofnfélagi Leshringsins rakti sögu hans. Konurnar í Leshringnum koma saman mánaðarlega yfir vetrartímann til að tala um bækur sem þær hafa lesið, hitta höfunda og fara jafnvel í ferðalög bæði innan borgarmarkanna og utan þeirra sem og til Evrópu.