Fjölskyldunefnd Mosfellsbæjar, í samvinnu við Kvenfélagasamband Íslands og Kvenréttindafélag Íslands, stóð fyrir jafnréttisþingi í Hlégarði í Mosfellsbæ 18. september sl. Þingið var haldið til heiðurs Helgu J. Magnúsdóttur, fyrrverandi forseta Kvenfélagasambands Íslands. Helga fæddist 18. september 1906, en bæjarstjórn Mosfellsbæjar hefur samþykkt að fæðingardagur hennar verði árlegur jafnréttisdagur í bæjarfélaginu. Á þessu ári eru 50 ár síðan Helga settist fyrst kvenna í stól oddvita í Mosfellsbæ. Hún lét meðal annars málefni kvenna sig varða, var formaður Kvenfélagasambands Gullbringu- og Kjósarsýslu 1948-1966, formaður Kvenfélags Lágafellssóknar 1951-1964, í varastjórn Kvenfélagasambands Íslands 1953 síðan í aðalstjórn þess og formaður 1963-1971. Frú Sigurlaug Viborg forseti Kvenfélagasambands Íslands ver meðal ræðumanna á þinginu og bar erindi hennar heitið: Bökum betra samfélag. Er j í kvenfélag? Erindið verður hægt að lesa hér.
Fréttir
Nú er berjatíð og margir að sulta og safta og koma grænmetisuppskerunni í forðabúr heimilisins. Fljótlega byrjar svo sláturtíðin með öllum sínum önnum.
Það er mikilvægt búsílag og getur sparað heimilunum talsverð útgjöld að nýta það sem til fellur og svo er líka gaman fyrir fjölskyldurnar að vinna saman og draga björg í bú til vetrarins.
Gott er að geta leitað ráða ef einhverjar spurningar vakna við hauststörfin.
Leiðbeingiastöð heimilanna veitir góð ráð við öll helstu atriði heimilishalds, hringið í síma 552 1135 eða sendið tölvupóst á This email address is being protected from spambots. You need JavaScript enabled to view it. til að fá góð ráð og leiðbeiningar.
Þjónustan er gjaldfrjáls og öllum opin.
Kvenfélagasamband Íslands stóð fyrir þinginu og var yfirskrift þess,
„ Fleiri karla í kvennaliðið”- jafnrétti - heilsa - hannyrðir.
20. maí sl. fór stjórn Kvenfélags Garðabæjar í heimsókn á Landspítala háskólasjúkrahús. Tilefnið var að afhenda tvö rúm sem félagið gaf Kvenlækningadeild 21A. Þessi rúm eru með þeim bestu sem fáanleg eru og koma sér mjög vel bæði fyrir starfsfólk sjúkrahússins og sjúklinga. Með þessum hætti vill félagið minnast 55 ára afmælis síns fyrr á þessu ári. Á myndinni eru stjórnarkonur Kvenfélags Garðabæjar og starfsfólk LSH.