Hvítabandið gefur 1,3 milljónir í Menntunarsjóð Mæðrastyrksnefndar Reykjavíkur

Hvítabandið hefur verið starfrækt í 130 ár og hélt upp á þessi tímamót 2 apríl 2025,  en félagið var stofnað 17. apríl 1895 og hefur starfað óslitið síðan. Á hátíðarfundinum var veittur styrkur í Menntunarsjóð Mæðrastyrksnefndar Reykjavíkur að upphæð 1,3 milljónir króna, það er 10.000 kr. fyrir hvert starfsár.

Sigríður U Sigurðardóttir formaður Hvítabandsins afhenti Önnu H Pétursdóttur formanni Mæðrastyrksnefnd Reykjavíkur og Guðríði Sigurðardóttur formanni Menntunarsjóðins styrkinn með þeim orðum hún væri þess fullviss að þær kæmu honum í góðar hendur

Hvítabandið hefur frá upphafi helgað sig mannúðar- og líknarmálum. Stærsta einstaka verkefni félagsins er án efa bygging Sjúkrahúss Hvítabandsins við Skólavörðustíg sem félagið reisti á eigin kostnað og starfrækti í tæpan áratug.

Saga Hvítabandsins varpar ljósi á óformlegar valdaleiðir kvenna. Formæður okkar höfðu áhrifavald sem skipti sköpum í þróun velferðarmála á Íslandi og endurspeglar saga líknarfélaga þessi völd kvenna. Þeim tókst að hrinda í framkvæmd ýmsum mannúðar- og velferðarmálum sem eru í höndum hins opinbera í dag. Barátta formæðra okkar fyrir betra lífi endurspeglast í starfi félagsins. Saga Hvítabandsins sem sögð er í bókinni „Aldarspor“ leiðir í ljós framlag kvenna í mótun heilbrigðis- og félagsmála á Íslandi.

 Sigríður U Sigurðardóttir formaður Hvítabandsins afhenti Önnu H Pétursdóttur formanni Mæðrastyrksnefnd Reykjavíkur og Guðríði Sigurðardóttur formanni Menntunarsjóðins styrkinn

Stjórn hvítabandsins: formaður Sigríður U. Sigurðardóttir, ritari Þóra Ólafsdóttir, gjaldkeri Oddfríður Helgadóttir ásamt forseta KÍ Dagmar Elínu Sigurðardóttur sem er jafnrframt félagi í Hvítabandinu. 

Stjórnarkonur Kvenfélagasambands Íslands eru nú á faraldsfæti að heimsækja aðalfundi þeirra héraðssambanda kvenfélaganna sem eiga aðild að KÍ.  Kvenfélagasamband Gullbringu- og Kjósarsýslu (KSGK) hélt sinn aðalfund laugardaginn 1. mars síðastliðinn. Fundurinn var í umsjón Kvenfélagsins Gefnar í Garðnum.  Dagmar Elín Sigurðardóttir forseti KÍ heimsótti þann fund og flutti kynningu á starfi og verkefnum sambandsins. á þeim fundi tók Brynhildur Hafsteinsdóttir formaður Kvenfélagsins Fjólunnar í Vogum við formennsku KSGK, Jóna Rún Gunnarsdóttir hefur veirð þar formaður síðastliðin 3 ár. 

Aðalfundur Kvenfélagasambands Norður- Þings (KSNÞ) var svo haldinn að Skúlagarði Kelduhverfi laugardaginn 15. mars 2025.  Forseta Kvenfélagasambandsins Dagmar og ritara, Helgu Magnúsdóttur var boðið á fundinn og fluttu þær kynningu á Kvenfélagasambandinu og sögðu frá verkefninu Vika einmannaleikans.  Á sama fundi var Soffía Gísladóttir kvenfélagskona með erindi um Inngildingu - mjög áhugavert erindi sem rímar við það sem við erum að fjalla um varðandi einmannaleikann.

Dagmar og Helga þakka fyrir höfðinglegar móttökur bæði í Garðinum og fyrir norðan  Alltaf jafn fróðlegt fyrir stjórnarkonur að heyra hvað félögin eru að gera til að efla starfið.

Fleiri heimsóknir á aðalfundi eru á döfinni og munu stjórnarkonur KÍ skiptast á að mæta.

Fyrsta tölublað Húsfreyjunnar á þessu ári en nú komið út.  Er komið eða er á leið til áskrifenda. Húsfreyjuna má líka finna á sölustöðum víða um landið.

Að þessu sinni er 95 ára afmæli Kvenfélagasambandsins fagnað í blaðinu meðal annars með umfjöllun um hátíðar formannaráðsfund KÍ sem fór fram á afmælisdaginn á Degi kvenfélagskonunnar 1. febrúar. Í tilefni af afmælinu bauð Forseti Íslands, Halla Tómasdóttir formannaráði til móttöku á Bessastöðum. Dagmar Elín Sigurðardóttir forseti Kvenfélagasambands Íslands skrifar um 95 ára afmælið í pistli sem hún nefnir Hreyfiafl um land allt. Í þessu fyrsta tölublaði vill þannig til að Álftanesið er nokkuð áberandi því formaður Kvenfélags Álftaness, Sigríður Sif Sævarsdóttir er í forsíðuviðtali þar sem hún ræðir við Húsfreyjuna um lífið og til tilveruna og starf kvenfélagsins. Eins og sjá má á fallegri forsíðunni stundar hún sjósund af kappi.

Matarþáttur Húsfreyjunnar í umsjón Alberts Eiríkssonar er að þessu sinni einnig á Álftanesinu en það er Björn Skúlason maki forseta sem bauð Húsfreyjunni á Bessastaði og gefur hann lesendum girnilegar uppskriftir af m.a. Blómkálssteik með capers og chilimayo, Skyrmús með berjum og íslensku hrauni og steiktir þorskhnakkar með tómat- og basilsósu. Við þökkum Birni kærlega fyrir góðar móttökur.

Read More