Á 72. formannaráðsfundi sem haldinn var á Hallveigarstöðum 22. nóvember síðastliðinn var eftirfarandi ályktun samþykkt:

72.formannaráðsfundur Kvenfélagasambands Íslands, haldinn á Hallveigarstöðum 22.nóvember 2025 þakkar kvenfélögum, félagasamtökum og góðu fólki um allt land fyrir frábærar viðtökur á verkefni okkar, Vika Einmanaleikans. Yfir 100 viðburðir voru haldnir um allt land með góðri þátttöku. Nú sækjum við um styrki í framhaldi af þessu þarfa verkefni svo það megi vaxa og halda áfram að auka vitund um einmanaleika fólks og gera okkar til að spyrna fótum við þessu vaxandi vandamáli.  Nú fer jólahátíðin í hönd og mikil hætta á einmanaleika og söknuði hjá stórum hópi fólks. Kvenfélagasamband Íslands vill hvetja alla til að líta til með þeim sem á þurfa að halda yfir hátíðarnar.