Nýkjörin stjórn Kvenfélagasambands Íslands37. landsþing Kven­fé­laga­sam­bands Íslands fór fram á Hótel Selfossi um helg­ina.
Yfirskrift þingsins var: “Hækkum flugið - kosningaréttur kvenna í eina öld”.
Gestgjafi þingsins var Sam­band sunn­lenskra kvenna, með 26 kven­fé­lög í Árnes- og Rangárvalla­sýsl­um innanborðs. 

Nýr forseti og hluti stjórnar var kjörin á þinginu.

Guðrún Þórðardótt­ir Kven­fé­lagi Gríms­nes­hrepps og fráfarandi varaforseti, er forseti KÍ. 
Vil­borg Ei­ríks­dótt­ir Kven­fé­lagi Mos­fells­bæj­ar er vara­for­seti. Bryn­dís Birg­is­dótt­ir Kven­fé­lag­inu Ársól á Suður­eyri og fráfarandi meðstjórnandi er gjald­keri. Herborg Hjálmarsdóttir Kvenfélaginu Gefn í Garði er ritari. Bergþóra Jó­hanns­dótt­ir Kven­fé­lag­inu Hjálp­inni í Eyj­ar­fjarðarsveit er meðstjórn­andi.  Katrín Haraldsdóttir Kvenfélaginu Einingu á Mýrum og Kristín Árnadóttir  Kvenfélaginu Iðunni í Strandasýslu eru í varastjórn.

Sigurlaug Viborg fyrrverandi forseti KÍ var kjörin nýr heiðursfélagi Kvenfélagasambandsins.

Auk hefðbundinna aðalfundarstarfa var hluti þingsins eftir hádegið á laugardeginum í opinni dagskrá. þangað kom fjöldi gesta og fylgdist með erindum, örfyrirlestrum og pallborðsumræðum tengdum þema þingsins “Hækkum flugið.

Á þinginu var frumflutt lagið „Sóa“ sem fjallar um matarsóun og hljómsveitin AmabAdamA samdi fyrir Kvenfélagasambandið.

Landsþing KÍ er æðsta vald sambandsins og er haldið á 3ja ára fresti.
Þingin eru opin fyrir allar kvenfélagskonur sem hafa þar málfrelsi og tillögurétt.
Hvert kvenfélag hefur eitt atkvæði á þinginu. 180 kven­fé­lags­kon­ur af landinu öllu sóttu þingið á Selfossi.

Þingið sendir frá sér álykt­an­ir, m.a. um átak gegn mat­ar­sóun, kennslu í kynja­fræði,  áhersl­ur varðandi komu flótta­fólks til lands­ins,  geðheil­brigðismál­ barna og ung­linga, læsi ofl. sjá hér: Ályktanir 37. landsþings KÍ.

Kvenfélagasamband Íslands (KÍ) var stofnað árið 1930 sem sameiningar og samstarfsvettvangur kvenfélaganna í landinu.  Innan KÍ starfa um 170 kvenfélög í 17 héraðs- og svæðasamböndum. Á undanförnum árum hefur afrakstur vinnu kvenfélaganna, tugir milljóna á ári hverju, runnið til og hinna ýmsu menningar- og líknarstofnana og annarra samfélagsverkefna.